Un dos nosos principais obxectivos é a formación de profesionais do medio rural, e en xeral de todos aqueles temas relacionados coa filosofía deste equipamento. A tal fin, periodicamente programamos cursos e xornadas técnicas a distintos niveis.
Ademais, existe a posibilidade de alugar as instalacións a asociacións ou entidades que queiran desenvolver aquí os seus cursos ou programas formativos. Se estás interesado nesta opción, consúltanos para poder darche a mellor oferta.
Para facilitar a realización destes cursos, en Aldea Nova podemos ofrecerche non só o espazo físico para o seu desenvolvemento, senón tamén o aloxamento e servizo de comedor para poñentes e asistentes.
