A Dirección Xeral de Xuventude e Voluntariado (Departamento de Traballo e Benestar, Xunta de Galicia), organiza na segunda quincena de agosto Campo Ornitoloxía Traballo nas instalacións da Aldea Nova.
Contorno
As zonas de Ferrol e Ortegal forman o chamado "Norte da provincia da Coruña." Nesta área, podemos atopar enclaves naturais, tan significativos e importantes como o da Serra Capelada, cos cantís máis altos do mar na xeografía europea, ou os cabos de Ortegal e Estaca de Bares. Esta costa é tamén un espazo natural protexido como LIC Costa Ártabra .
Obxectivos
Obxectivos
Un dos obxectivos do campo de traballo é estudar os procesos ecolóxicos e biolóxicos de aves migratorias no norte da provincia da Coruña, a través da observación directa e os métodos de captura e marcado con especialistas, ao mesmo tempo que os voluntarios e voluntarias intercambian experiencias e actuacións sobre conservación do medio ambiente, o noso patrimonio e desenvolven unha actitude concienciada e participativa cara á solución de problemas ambientais vinculados á conservación da biodiversidade.
Descrición do campo de traballo
Os voluntarios e voluntarias colaborarán en tarefas de identificación e censo de especies de aves acuáticas, terrestres e mariñas nos distintos espazos naturais, anelamento científico de aves migratorias nas zonas húmidas de Pedroso (LIC Castro-Xubia) e na lagoa da Frouxeira (Valdoviño), construción de caixas para niños e comedeiros invernais para aves e manexo de redes xaponesas para anelamento. Tamén colaborarán en tarefas ambientais plantando e sementando árbores e arbustos para a alimentación de aves no inverno.
Actividades complementarias
Actividades propias de ocio e tempo libre: rutas a pé, deportes, talleres, xogos populares
Excursións a zonas de interese natural: Serra da Capelada, Cabo Ortegal, ría de Ortigueira, praias de Valdoviño
Talleres de temática ornitolóxica e faunística: colocación e pregado de redes, identificación de aves, observación de insectos nocturnos e morcegos con ecolocalizador
Outros talleres: achegamento a especies autóctonas, apicultura, agricultura ecolóxica
Aloxamento e manutención
Aloxamento en habitacións de catro prazas (literias) no albergue de Aldea Nova
Alimentación que conterá produtos locais e de cociña tradicional. Haberá menús veganos e vesetarianos para quen o solicite.
Cuota
Setenta e dous euros (72 €) a ingresar na conta de Caixa Nova O.P. Santiago. Conta número: 2080-0355-77-0040033155
Só se devolverá a cuota en caso de suspensión da actividade.
Equipo aconsellable
Útiles de aseo
Saco de durmir e mochila para rutas
Calzado apropiado para camiñar, botas de auga de caña alta (de goma) e calzado deportivo
Roupa: de deporte, bañador, toalla; roupa de abrigo e de auga, roupa de traballo (luvas e gorro)
Recomendable prismáticos e telescopio (se se dispón de el)
Documentación e seguro
Todos os participantes deberán levar DNI e tarxeta sanitaria
Os participantes disporán dun seguro que cobre os accidentes que se puideran producir durante a actividade e a responsabilidade civil que deles se poda derivar.
Contactos
Manuel Martínez: 981 173 691;
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
D.X. de Xuventude e Voluntariado: 981 957 057 / 981 544 840
En Facebook; "campos de traballo para a xuventude"
Servicio de Xuventude da Coruña: 881 881 236
Información adicional
Portal da D.X. de Xuventude e Voluntariado da Xunta de Galicia
Web do Concello de Narón
Web do albergue Aldea Nova
Portal do Plan de Dinaminzación do produto turístico Ferrol-Ortegal
Información da cidade de Santiago, transportes, accesos
Información da cidade de Santiago, transportes, accesos
Páxina oficial sobre o Camiño de Santiago
Portal de información turística de Galicia
Páxinas con información de transporte desde outras Comunidades Autónomas: Alsa, Avanzabus, Dainco
