Durante o verán, os nenos e nenas poden gozar das súas vacacións nas colonias que organizamos en Aldea Nova. Deseñámoslles multitude de actividades e experiencias para que, por si mesmos, descubran o medio e a cultura tradicional: talleres de manualidades, de descubrimento da natureza, xogos tradicionais, etc.

A autonomía, o compañeirismo e o respecto polo medio natural son valores que están presentes en cada momento.

A nosa oferta inclúe o servizo de comedor, en quendas de cinco días de duración, de luns a venres.