En Aldea Nova podes visitar:
- Casa-Museo. No seu interior recréase, a partir dunha ampla colección de mobles, obxectos e ferramentas tradicionais, a vida dos habitantes das zonas rurais da bisbarra ata hai non moitos anos.
- Reprodución ao aire libre dun castro.
- Reprodución a escala dun túmulo funerario (mámoa) da idade de Bronce, que permite unha visita ao seu interior.
- Museo ao aire libre de maquinaria agropecuaria tradicional.
E no ámbito de Aldea Nova:
- Castro de Eiravedra (a 500 m) e Castro da Revolta, Vicás e Pereiruga (a 1 km)
- Cemiterio prehistórico, con 17 túmulos funerarios (mámoas) de máis de 3000 anos de antigüidade (a 100 m).
- Dúas capelas e unha igrexa (a 500 m).
- A antiga localización dun oenach, lugar de reunión intertribal (a 300 m).
- Monte sagrado: Monte Sal ou Monte Esperón (a 100 m)
- Rede de trece muíños fluviais (a 1,5-2,5 km).
- Conxuntos de casas tipolóxicas galegas en O Casal, Lagoela e Pracente (a 300 m).
- Camiño prehistórico a Santo André de Teixido (acceso a 100 m).
- Fuente da Moura, con propiedades máxicas e medicinais (a 200 m).
- Feira agropecuaria quincenal "do 13" (a 200 m).
