No noso albergue, situado ao pé da histórica ruta a Santo André de Teixido (onde "vai de morto quen non foi de vivo"), tes canto necesitas para pasar un ou varios días. Dispoñemos de capacidade para 44 persoas repartidas en 10 cuartos de 4 liteiras cada unha e maís as duas habitacións dobres. Todas elas dan a un grande adro cuberto e luminoso de 150 m². Os servizos, aseos e duchas son comunais e habilitados para discapacitados.

Na nosa cociña, ademais, preparámosche os pratos que mellor se adapten ás túas necesidades, sempre con produtos da terra. Podemos preparar un menú para 150 comensais!

Aldea Nova é unha excelente base de operacións desde a que planificar excursións dun día a diferentes destinos do noroeste de Galicia. A menos dunha hora de distancia en automóbil espéranche algunha das paisaxes máis emblemáticas deste recuncho de Europa.