- Cortes de gando autóctono, dotados de medios auxiliares e valados de pastoreo libre. En Aldea Nova conviven vacas cachenas, cabalos de pura raza galega, porcos celtas, ovellas galegas, e galiñas piñeiras e de Mos, así como o can palleiro.
- Na horta, con árbores froiteiras e invernadoiro ecolóxico, traballamos con técnicas agrarias ecolóxicas, e con fertilización e compostaxe orgánica, que ofrecen a posibilidade de aprender en vivo os principios da agricultura biolóxica, a compostaxe, a creación de bancos de sementes autóctonas, etc. Actualmente estamos a crear unha completa colección de especies hortícolas europeas. Os nosos visitantes poden colaborar en tarefas de mantemento e de aproveitamento de cultivos e alimentos.
- Apiario ecolóxico, integrado por dez colmeas e un espazo de traballo e de formación. Estas contan con colmeas movilistas de cristal e madeira para estudar e manexar as abellas, incidindo na creación de núcleos e no procesamento do mel e a cera.
- Arboreto catalogado e sinalizado. Inclúe máis de 100 especies arbóreas e arbustivas propias dos bosques galegos e europeos.
Nadal Interxeneracional 2011 en Aldea No…
Actividades de Nadal para nenas, nenos, avoas e avós! Todos xuntos! Obxectivo: fomentar as relacións recíprocas de aprendizaxe e as interaccións entre nenos e nenas e...
